پاکستان
Time 30 نومبر ، 2020

بیرسٹر خالد خورشید وزیراعلیٰ گلگت بلتستان منتخب

بیرسٹر خالد خورشید وزیراعلیٰ گلگت بلتستان منتخب ہوگئے۔

گلگت بلستان کی قانون ساز اسمبلی کیلئے 15نومبر کے انتخابات کے بعد ارکان کی حلف برداری اور اسپیکر و ڈپٹی اسپیکر کے انتخاب کے 2 مراحل پہلے ہی مکمل ہوچکے ہیں۔

تیسرے اور اہم مرحلے میں وزیراعلیٰ کے انتخاب کے لیے آج اجلاس طلب کیا گیا تھا۔

وزیر اعظم عمران خان نے بیرسٹر خالدخورشیدکوجبکہ متحدہ اپوزیشن کی جانب سے پی پی پی کے امجدحسین ایڈوکیٹ کو وزیراعلیٰ کے عہدے کے لیے متفقہ امیدوار نامزد کیا گیا تھا۔

بیرسٹر خالد خورشید نے 22 اورمتحدہ اپوزیشن کےامیدوار امجد حسین ایڈووکیٹ کو 9 ووٹ ملے  اور بیرسٹر خالد خورشید گلگت بلتستان کے نئے وزیراعلیٰ منتخب ہوگئے۔