22 دسمبر ، 2020 
کراچی: موٹر سائیکل سوار ملزمان نے تعاقب کرکے کار سوار کو قتل کردیا
22 دسمبر ، 2020
کراچی کے علاقے منگھوپیر میں موٹرسائیکل سوار ملزمان کی فائرنگ سے کار سوار شہری جاں بحق ہوگیا۔
پولیس کے مطابق ابتدائی تحقیقات میں واقعہ ٹارگٹ کلنگ معلوم ہوتا ہے۔ ملزمان نے فرار ہوتے وقت پولیس پر بھی فائرنگ کی۔ موقع سے اب تک کوئی خول نہیں ملا۔
واقعے کی سی سی ٹی وی فوٹیج میں موٹرسائیکل سوار دو ملزمان کو گاڑی کا تعاقب دیکھا جاسکتا ہے۔
منگھوپیر اچانک ہوٹل کے قریب صبح موٹرسائیکل سوار ملزمان نے گاڑی پر فائرنگ کی جس سے 35 سالہ خدا داد جاں بحق ہوگیا۔
سینیئر سپرنٹنڈنٹ آف پولیس (ایس ایس پی) وسطی مرتضیٰ تبسم کے مطابق ابتدائی تحقیقات میں واقعہ ٹارگٹ کلنگ معلوم ہوتا ہے، فرار ہوتے ہوئے ملزمان کا پولیس سے سامنا ہوا تو اہلکاروں نے موٹر سائیکل سواروں کو مشتبہ جانتے ہوئے رکنے کا اشارہ کیا جس پرموٹرسائیکل سوار ملزمان نے پولیس پر بھی فائرنگ کردی۔
جیو نیوز کو حاصل ہونے والی سی سی ٹی فوٹیج میں دیکھاجاسکتا ہے کہ فائرنگ کا واقعہ 9 بج کر 31 منٹ پر پیش آیا۔فوٹیج میں موٹرسائیکل سوار دو ملزمان کو گاڑی کا تعاقب دیکھا جاسکتا ہے۔
فوٹیج میں دیکھا جاسکتا ہے کہ گاڑی رکتے ہی ملزمان نے فائرنگ کی۔ ایک ملزم نے ہیلمٹ اور دوسرے نے کیپ پہن رکھی ہے۔ ملزمان کو فائرنگ کے بعد فرار ہوتے دیکھا جاسکتا ہے۔
فائرنگ کے بعد جائے وقوع پر بھگدڑ مچ گئی۔ واقعے کی مختلف پہلووں سے تفتیش جاری ہے۔تاحال ملزمان پولیس کی گرفت میں نہیں آسکے ہیں۔
