24 دسمبر ، 2020 
ایم کیوایم پاکستان نے وفاقی حکومت کا ساتھ چھوڑنے کا عندیہ دے دیا
24 دسمبر ، 2020
متحدہ قومی موومنٹ (ایم کیوایم) پاکستان نے وفاقی حکومت سے علیحدگی کا عندیہ دے دیا۔
ایم کیوایم پاکستان کے سربراہ خالد مقبول صدیقی نے کہا ہے کہ وزیراعظم نے ایم کیوایم سے کیے ایک وعدے پرعمل نہیں کیا، ایک مطالبہ پورا نہیں کیا، وفاقی حکومت نے ایم کیو ایم کے خدشات کے باوجود مردم شماری کو منظور کر لیا،ہمیں بتایا جائے ہم حکومت میں کیوں ہوں؟
انہوں نے کہا کہ سڑکوں پر آنے کے سوا کوئی راستہ نہیں بچا،حکومت میں رہ کر احتجاج کا آپشن استعمال نہیں ہوسکتا،حکومت سے علیحدہ ہونے کا بھی آپشن ہے۔
خیال رہے کہ گزشتہ دنوں وفاقی کابینہ نے مردم شماری کے نتائج جاری کرنے کا معاملہ مشترکہ مفادات کونسل میں پیش کرنے کا فیصلہ کیا تھا۔
تاہم اتحادی جماعت متحدہ قومی موومنٹ (ایم کیو ایم) نے اس حوالے سے اختلافی نوٹ جمع کرایا اور ایم کیو ایم سے تعلق رکھنے والے وفاقی وزیرامین الحق نے نئی مردم شماری فوری طور پر کرانے کا مطالبہ کیا تھا۔[
