07 فروری ، 2021 
پی ڈی ایم کی جدوجہد ایک دو خاندانوں کے مفادات کیلئے ہے، سراج الحق
07 فروری ، 2021
جماعت اسلامی کے امیر سینیٹر سراج الحق نے اپوزیشن اتحاد پاکستان ڈیمو کریٹک موومنٹ (پی ڈی ایم) کو تنقید کا نشانہ بنایا ہے۔
مردان میں جلسے سے خطاب سراج الحق کا کہنا تھاکہ پی ڈی ایم کی جدوجہد ایک دو خاندانوں کے مفادات کیلئے ہے۔
حکومت پر تنقید کرتے ہوئے کہا کہ پی ٹی آئی کی حکومت ناکامی سے دو چار ہے، اس حکومت نے نیا پاکستان تو نہیں بنایا بلکہ پرانابھی تباہ کردیا، پاکستان میں لوگ عمران خان کو یوٹرن کے نام سے جانتے ہیں، کوئی بھی اس حکومت پر اعتماد نہیں کرتا۔
ان کا کہنا تھاکہ عمران خان بھی قصہ پارینا بن گئے ہیں، قومی اسمبلی کے اجلاس پر 10 کروڑ روپے خرچ ہوتے ہیں اور اجلاس میں گالیاں دی جاتی ہیں، میرا بس چلتا تو میں ان سب کواڈیالہ جیل میں ڈالتا۔
سراج الحق کا کہنا تھا کہ اسلامی انقلاب کی صورت میں تبدیلی چاہتے ہیں، ہر حکومت نے پاکستان کے آئین اور نظریے سے بے وفائی کی۔
