11 فروری ، 2021 
اسلام آباد ہائیکورٹ: فیصل واوڈا نااہلی کیس جلد سماعت کیلیےمقررکرنےکی درخواست دائر
11 فروری ، 2021
اسلام آباد ہائی کورٹ میں وفاقی وزیر آبی وسائل فیصل واوڈا کا نااہلی کیس جلد سماعت کے لیے مقررکرنے کی درخواست دائر کردی گئی۔
درخواست گزار نے بیرسٹر جہانگیر جدون کے ذریعے نااہلی کیس کی جلد سماعت کی درخواست دائرکی ہے۔
درخواست میں کہا گیا ہےکہ دہری شہریت چھپانے پر فیصل واوڈا کی نا اہلی درخواست عدالت میں زیر سماعت ہے، 8 فروری کو کیس مقرر تھا لیکن بینچ کی عدم دستیابی پر کازلسٹ منسوخ کردی گئی۔
درخواست گزار کا کہنا ہےکہ عدالت نے فیصل واوڈا کو جواب داخل کرانےکے لیے آخری مہلت دے رکھی ہے لیکن آخری مہلت کے باوجود فیصل واوڈا کی جانب سے تاحال جواب داخل نہیں کرایا جاسکا۔
درخواست میں کہا گیا ہےکہ فیصل واوڈا جان بوجھ کر کیس میں تاخیرکرنا چاہتے ہیں، ان کی نااہلی سے متعلق درخواست کو جلد سماعت کے لیے مقرر کیا جائے۔
