Can't connect right now! retry

کھیل
19 فروری ، 2021

پاکستان کرکٹ بورڈ کا کرکٹرز کو کورونا ویکسین لگوانے کا فیصلہ

این سی او سی سے بات ہو گئی ہے، اگلے ماہ کرکٹرز کو کورونا ویکسین لگوائیں گے، چیئرمین پی سی بی— فوٹو: فائل 

پاکستان کرکٹ بورڈ(پی سی بی) نے کرکٹرز کو کورونا ویکسین لگوانے کا فیصلہ کرلیا۔

لاہور میں گفتگو کے دوران پی سی بی کے چیئرمین احسان مانی کا کہنا ہے کہ نیشنل کمانڈ اینڈ آپریشن  سینٹر (این سی او سی) سے بات ہو گئی ہے اور اگلے ماہ کرکٹرز کو کوویڈ 19 ویکسین لگوائیں گے۔

انہوں نے کہا کہ موجودہ حالات میں پی ایس ایل کرانا بہت بڑا کارنامہ ہے جبکہ 20 فیصد تماشائیوں کی اجازت این سی او سی نے دی ہے، تعداد چاہے کم ہے لیکن اس کا کھلاڑیوں کو فائدہ ہوگا۔

احسان مانی کا کہنا تھا کہ پاکستان واحد بورڈ ہے جس نے ڈومیسٹک کرکٹ سیزن مکمل کیا، انگلینڈ کا دورہ کیا، زمبابوے کی میزبانی کی پھر نیوزی لینڈ کا دورہ کیا اور 14 برس بعد جنوبی افریقا کی میزبانی کی یہ سب آسان نہیں تھا لیکن  یہ سب ہم نے کرکٹ کو سپورٹ کرنے کیلئے کیا۔

احسان مانی کا کہنا تھاکہ دیگر ممالک نے اپنی سیریز ملتوی کیں، آسٹریلیا نے جنوبی افریقا کی سیریز ملتوی کی  جبکہ بھارت میں مالی فوائد کی وجہ سے سب جا رہے ہیں میں سمجھتا ہوں کہ بگ تھری ختم ہو گئی لیکن اس کا مائنڈ سیٹ تبدیل نہیں ہوا۔

ان کا کہنا تھاکہ آئی سی سی کو اپنی سوچ تبدیل کرنے کی ضرورت ہے، بھارت غلبہ حاصل کرنے کی کوشش کرتا ہے لیکن ہم پر نہیں کر سکتا کیونکہ پاکستان کی کرکٹ بھارت کے بغیر چلی ہے اور چلے گی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM