27 فروری ، 2021 
اسلام آباد میں فائرنگ سے جے یو آئی رہنما کے بھائی بیٹے اور ایک شاگرد جاں بحق
27 فروری ، 2021
اسلام آباد میں نامعلوم افرادکی فائرنگ کے نتیجے میں جمعیت علمائے اسلام (جے یو آئی) کے مقامی رہنما کے بھائی،بیٹے اور شاگرد جاں بحق ہوگئے۔
رپورٹ کے مطابق فائرنگ کا واقعہ اسلام آباد کے علاقے بھارہ کہو میں پیش آیا جس میں 3 افراد جاں بحق ہوگئے۔
جے یو آئی کے سیکرٹری جنرل عبدالغفورحیدری نے جماعت کے سالار قاری کرامت الرحمان کے بھائی، بیٹے اور شاگرد کو شہید کرنے کی مذمت کی ہے۔
مولانا عبدالغفورحیدری کا کہنا ہے کہ اسلام آباد میں اس طرح کا واقعہ افسوسناک ہے، قاتل کو فوری گرفتار کرکے شفاف تحقیقات کی جائیں۔
پولیس کے مطابق جاں بحق افراد میں 2 کی شناخت اکرام اللہ اور سمیع اللہ کے نام سے ہوئی ہے، جاں بحق ہونے والا تیسرا شخص طالب علم ہے، تینوں لاشیں اسپتال منتقل کی جارہی ہیں۔
