16 مارچ ، 2021 
ٹی سی پی کو سرکاری سطح پر چینی درآمد کیلئے دوبارہ مہنگی بولیاں موصول
16 مارچ ، 2021
ٹریڈنگ کارپوریشن آف پاکستان (ٹی سی پی) کو سرکاری سطح پر چینی درآمد کرنے کیلئے دوبارہ مہنگی بولیاں موصول ہوئی ہیں۔
ذرائع ٹریڈنگ کارپوریشن آف پاکستان کے مطابق 50 ہزار ٹن چینی کی دوبارہ درآمد کیلئے ٹینڈر پر بولیاں موصول ہوئیں جبکہ چینی کی کم ازکم بولی 544.10 ڈالر فی ٹن موصول ہوئی۔
ذرائع کا کہنا ہے کہ کم سے کم بولی کے تحت درآمدی چینی کراچی پورٹ پر 90 روپے فی کلو میں پڑے گی۔
ذرائع کے مطابق یوٹیلٹی اسٹورز کو درآمدی چینی فراہم کرنے کیلئے دوبارہ ٹینڈر دیا گیا تھا اور موصول بولی کے حساب سے یوٹیلٹی اسٹورز کو چینی تقریبا 98 روپے کلو میں پڑے گی۔
ذرائع کا کہنا ہے کہ چینی کی درآمد کیلئے سب سے کم بولی الخلیج گروپ نے دی، چینی کی بولیوں کو ابھی تک منظور نہیں کیا گیا۔
ذرائع نے بتایا کہ ٹی سی پی نے سودے کرنے کیلئے وفاق سے رجوع کرنے کا فیصلہ کیا ہے۔
حکام ٹی سی پی کے مطابق 50 ہزارمیٹرک ٹن چینی کا پہلا ٹینڈرمہنگی بولی کے باعث منسوخ کیا تھا جس پر وزرات صعنت وپیدوار نے دوبارہ چینی کی درآمد کا ٹینڈرجاری کرنے کی ہدایت کی تھی۔
ذرائع کا کہنا ہے کہ منسوخ چینی کے ٹینڈرمیں کم سے کم بولی کے تحت درآمدی چینی90 روپے فی کلومیں ملتی، ٹرانسپورٹ چارجزکے بعد یوٹیلٹی اسٹورز کو چینی96 سے98 روپے کلو میں پڑتی جبکہ منسوخ ٹینڈرمیں ٹی سی پی کو کم سے کم بولی 540.10 ڈالرفی میٹرک ٹن موصول ہوئی تھی۔
مزید خبریں :
انٹربینک میں ڈالر کی قدر میں معمولی اضافہ
04 نومبر ، 2024
ملک میں سونےکی قیمت میں اضافہ ہوگیا
04 نومبر ، 2024
پی ایس ایکس 100 انڈیکس نے 92 ہزار کی نئی تاریخی حد کو چھو لیا
04 نومبر ، 2024
سونے کی فی تولہ قیمت میں مسلسل تیسرے روز بھی کمی ہوگئی
02 نومبر ، 2024
ٹیکس اہداف میں ناکامی: آئی ایم ایف نے منی بجٹ کا مطالبہ کردیا
02 نومبر ، 2024
پاکستان میں مہنگائی 4 سال کی کم ترین سطح پر
02 نومبر ، 2024
رواں مالی سال کے پہلے 4 ماہ میں تجارتی خسارے میں کمی ریکارڈ
02 نومبر ، 2024
