18 مارچ ، 2021 
پاکستان
فائل فوٹو
بلوچستان: کورونا کے پھیلاؤ کی شرح میں اچانک اضافہ
18 مارچ ، 2021
کوئٹہ: بلوچستان میں 24 گھنٹوں کے دوران کورونا کے پھیلاؤ کی شرح میں اچانک اضافہ ہوگیا اور شرح 4.4 تک پہنچ گئی۔
محکمہ صحت بلوچستان کے مطابق بدھ کو صوبے میں 493 افراد کے کورونا ٹیسٹ کیے گئے ، ان ٹیسٹوں کے نتیجے میں کوئٹہ سے 18 کیسز، خضدار سے 2 ،کیچ اورلورالائی سے ایک ایک کیس رپورٹ ہوا۔
صوبے میں اب تک کورونا وائرس سے متاثر ہونے والوں کی مجموعی تعداد 19 ہزار267 ہوگئی جب کہ 24 گھنٹوں کے دوران کورونا میں مبتلا 12مریضوں کے صحت یاب ہونے کے بعد صوبے میں صحت یاب ہونے والوں کی تعداد 18ہزار 908 ہوگئی جب کہ صوبے میں ایکٹو کورونا کیسز کی تعداد بڑھ کر 159ہوگئی۔
محکمہ صحت کے مطابق بلوچستان میں کورونا سے انتقال کر جانے والوں کی تعداد202 ہے۔
