22 مارچ ، 2021 
سینیٹ میں قائد حزب اختلاف کا عہدہ پیپلز پارٹی کو ملنا چاہیے: راجا پرویز اشرف
22 مارچ ، 2021
پی ڈی ایم کے سینئر نائب صدر راجا پرویز اشرف نے امید ظاہر کی ہے کہ سینیٹ میں اپوزیشن لیڈر کا معاملہ اپوزیشن جماعتوں کے اتحاد میں خوش اسلوبی سے طے ہو جائے گا۔
گزشتہ روز مسلم لیگ ن کی نائب صدر مریم نواز نے اپنے بیان میں کہا تھا کہ پی ڈی ایم میں تمام جماعتوں نے اس بات پر اتفاق کیا تھا کہ سینیٹ میں اپوزیشن لیڈر ن لیگ سے ہو گا۔
مریم نواز کے بیان پر ردعمل دیتے ہوئے سابق وزیراعظم اور پی ڈی ایم کے سینئر نائب صدر راجا پرویز اشرف نے کہا کہ پیپلز پارٹی سینیٹ میں 21 سینیٹرز کے ساتھ سب سے بڑی اپوزیشن پارٹی ہے، جمہوری روایات کے مطابق سینیٹ میں قائد حزب اختلاف کا عہدہ پیپلز پارٹی کو ہی ملنا چاہیے۔
ان کا مزید کہنا تھا کہ قومی اسمبلی میں قائد حزب اختلاف اور پبلک اکاﺅنٹس کمیٹی کی چیئرمین شپ ن لیگ کے پاس ہیں، پارلیمان کا تیسرا اہم عہدہ سینیٹ میں اپوزیشن لیڈر کا سب سے بڑی پارٹی کو جانا چاہیے، جس پارٹی کے پاس پارلیمان میں پہلے ہی دو عہدے موجود ہیں، اسے تیسرا عہدہ ملنا نامناسب ہو گا۔
راجا پرویز اشرف کا کہنا تھا کہ پیپلز پارٹی کا مؤقف ہے کہ قائد حزب اختلاف کا عہدہ جمہوری اصولوں اور غیرجانبداری پر دینا چاہیے۔
مزید خبریں :
دھند کے باعث اسلام آباد سے لاہور تک موٹروے بند
3 گھنٹے پہلے
جسٹس ریٹائرڈ اعجاز الحسن انتقال کرگئے
8 گھنٹے پہلے
