21 اپریل ، 2021 
برطانوی عدالت کا ہوٹل میں قرنطینہ کرنیوالے پاکستانیوں کو مناسب سہولتیں فراہم کرنےکا حکم
21 اپریل ، 2021
لندن ہائی کورٹ کے 2 ججوں نے ہوٹل میں قرنطینہ کرنے والے پاکستانیوں کو مناسب سہولتوں کی عدم فراہمی پر تنقید کی ہے۔
ہائی کورٹ نے بڑے کمرے، مناسب غذا کی فراہمی اور ورزش کے لیے کمرے سے باہر جانے کی اجازت دینے کا حکم دیا ہے۔
خیال رہے کہ ہالیڈے ان ایکسپریس میں نامساعد حالت میں رہنے والے پاکستانیوں کا معاملہ بیرسٹر زہاب جمالی نے ہائی کورٹ میں چیلنج کیا تھا۔
بیرسٹر جمالی کے مطابق پاکستان کو ریڈ لسٹ میں ڈالنے کے سبب برطانیہ آنے والوں کو 10 دن حکومت کے منظور شدہ ہوٹلوں میں قیام کرنا پڑ رہا ہے، ہوٹل میں قیام کرنے والوں کو چھوٹےگندے کمروں، نامناسب غذا اور ناقص سروس جیسے مسائل درپیش ہیں۔
ان کا کہنا تھا کہ روزہ داروں کو روزہ کھولنےکیلئے حرام اشیا فراہم کی گئیں۔
ہائی کورٹ کے دو جج قرنطینہ کرنے والوں کو مناسب سہولتوں کی فراہمی کے احکامات جاری کرچکے ہیں، پہلا آرڈر جسٹس مسز لینگ ڈی بی ای نے 16 اپریل کو دیا اور دو دن میں آپ ڈیٹ مانگا تھا، دوسرا آرڈر 19 اپریل کو جسٹس ہینشا نے دیا اور نوٹ کیا کہ گزشتہ حکم پر عمل نہیں ہوا ہے۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
