شہباز شریف کا قومی سیاسی رہنماؤں کو ٹیلیفون، عیدالفطر کی مبارکباد

پاکستان مسلم لیگ (ن) کے صدر و قومی اسمبلی میں اپوزیشن لیڈر شہباز شریف نے قومی سیاسی رہنماؤں کو ٹیلی فون کیا اور عیدالفطر کی مبارکباد دی۔

 شہبازشریف نے جمعیت علمائے اسلام و اپوزیشن اتحاد پاکستان ڈیموکریٹک موومنٹ  کے سربراہ مولانا فضل الرحمان کو ٹیلیفون کیا اور ان کی خیریت دریافت کی۔

لیگی صدر نے فضل الرحمان کیلئے نیک تمناؤں کا اظہار کیا۔

دونوں رہنماؤں نے عیدالفطر کے بعد پی ڈی ایم اجلاس بلانے پر تبادلہ خیال کیا جبکہ  فلسطین پر اسرائیلی وحشیانہ حملوں پر بھی گفتگو کی گئی۔

شہباز شریف کا بلاول کو فون، ایک دوسرے کو عید کی مبارکباد

شہباز شریف نے بلاول بھٹو کو آصف زرداری اوراہل خانہ کیلئے عید پر مبارک باد کا پیغام دیا

بلاول بھٹو سے گفتگو میں شہباز شریف نے آصف زرداری اوراہل خانہ کیلئے عید پر مبارک باد کا پیغام دیا۔

شہباز شریف نے متحدہ قومی موومنٹ (ایم کیو ایم) کے کنوینر خالد مقبول صدیقی اور سینیٹر فیصل سبزواری کو بھی ٹیلیفون کیا۔ 

اپوزیشن لیڈر نے جماعت اسلامی کے امیر سراج الحق، لیاقت بلوچ، ساجد میر، اویس نورانی، عوامی نیشنل پارٹی کے سربراہ اسفند یار ولی، ایمل ولی ،غلام بلور، آفتاب شیرپاؤ، اختر مینگل، محمود اچکزئی، عبدالمالک بلوچ سے بھی گفتگو کی۔

ٹیلیفونک رابطوں میں رہنماؤں نے عید کی مبارکباد کا تبادلہ کیا اور خیر سگالی کے جذبات کا اظہار کیا۔