سندھ کے وزرا کا حلیم عادل شیخ کو گرفتار نہ کرنے پر نیب پر جانبداری کاالزام

سندھ کے وزرا نے پی ٹی آئی کے رہنما حلیم عادل شیخ کو گرفتار نہ کرنے پر قومی احتساب بیورو (نیب) پر جانبداری کاالزام لگایا ہے۔

پیپلز پارٹی کے صوبائی وزیر سعید غنی نے کہا، نیب میں تھوڑی بہت شرم حیا ہے تو غیر جانبداری کا مظاہرہ کرے، قبضے کا الزام درست ماننے کے باوجود حلیم عادل شیخ گرفتار نہ ہوئے توثابت ہوجائے گا نیب نے اینٹی کرپشن سے بچانے کےلیے کیس اپنے ہاتھ میں لیا۔

ایم کیو ایم کے احتجاج کے اعلان پر سعید غنی نے کہا کہ احتجاج کی آڑ میں لوگوں میں نفرت پیدا کرنے کی اجازت نہیں ہے، نفرت انگیز سیاست کی بنیاد بانی ایم کیو ایم نے ڈالی اور  آج یہ بھی وہی کررہے ہیں۔