15 اگست ، 2021 
مواچھ گوٹھ دھماکے میں 3 موٹرسائیکل سوار دہشتگردمبینہ طورپر ملوث ہیں، تحقیقاتی ذرائع
15 اگست ، 2021
کراچی کے علاقے مواچھ گوٹھ میں گزشتہ روز ہونے والے دھماکے کی تحقیقات میں پیشرفت ہوئی ہے۔
مواچھ گوٹھ میں گزشتہ روز ہونے والے دھماکے میں جاں بحق 13 افراد کی نماز جنازہ ادا کر دی گئی ہے۔
نماز جنازہ میں سیکڑوں افراد نے شرکت کی۔
مواچھ گوٹھ دھماکے کی تحقیقات میں پیشرفت ہوئی ہے۔ تحقیقاتی ذرائع کا دعویٰ ہے کہ تین موٹرسائیکل سواردہشتگردمبینہ طورپردھماکے میں ملوث ہیں اور تینوں دہشتگرد ایک ہی موٹرسائیکل پر سوار تھے۔
تحقیقاتی ذرائع کا کہنا ہے کہ دہشتگردوں نے منی ٹرک کا پیچھا کیا، بظاہردستی بم چلتی موٹرسائیکل سے پھینکا گیا لیکن دستی بم منی ٹرک پرگرنے سے پہلے ہوا میں پھٹا۔
خیال رہے کہ گزشتہ شب منی ٹرک میں ہونے والے بم دھماکے میں 13 افراد جاں بحق ہوئے۔
مواچھ گوٹھ میں گزشتہ رات 9 بج کر 45 منٹ پر افسوسناک واقعہ پیش آیا جس کے نتیجے میں 7 خواتین اور 6 بچے دہشت گردی کا نشانہ بنے
