06 ستمبر ، 2021
بھارت کے لیجنڈ اداکار دلیپ کمار کی اہلیہ سائرہ بانو کو طبیعت بہتر ہونے پر اسپتال سے ڈسچارج کر دیا گیا۔
سائرہ بانو کو سانس لینے میں مشکلات، ہائی بلڈ پریشر اور ہائی شوگر کی شکایت پر 28 اگست کو ممبئی کے اسپتال میں داخل کیا گیا تھا۔
دلیپ کمار کے قریبی دوست فیصل نے بتایا تھا کہ دلیپ کمار کی موت کا گہرا اثر سائرہ بانو کی صحت پر ہوا ہے اور اپنے شوہر کے انتقال کے بعد وہ شدید ذہنی دباؤ میں ہیں۔
تاہم اب بھارتی میڈیا کا بتانا ہے کہ طبیعت بہتر ہونے پر سائرہ بانو کو اسپتال سے ڈسچارج کر دیا گیا ہے اور وہ اپنے گھر منتقل ہو گئی ہیں۔