25 ستمبر ، 2021 
یمن: جہنم کا کنواں کہلائے جانیوالے غیر معمولی کنویں کے پر اسرار راز سے پردہ اٹھ گیا
25 ستمبر ، 2021
یمن کے شہر بارہوت میں ’جہنم کا کنواں‘ کہلائے جانے والے غیر معمولی کنویں کے پر اسرار راز سے پردہ اٹھ گیا۔
بارہوت میں موجود اس گڑھے کو جہنم کا کنواں کہا جاتا ہے۔ مقامی لوگوں کے مطابق اس کنویں میں سالوں سے متعدد جنات اور دیگر مخلوقات قید ہیں۔
یہ کنواں کئی سالوں سے یمنی کہانیوں کا مرکز بھی رہا لیکن آثار قدیمہ کے ماہرین کی ایک ٹیم نے اس کنویں کی تہہ تک رسائی حاصل کرکے اس میں موجود رازوں سے پردہ فاش کردیا۔
ماہرین کے مطابق کنویں کی چوڑائی 100 فٹ اور اس کی گہرائی 367 فٹ ہے۔
عمان کیو ایکسپلوریشن ٹیم کے مطابق کنویں کے اندر سانپ، مردہ جانور اور مختلف موتی پائے گئے تاہم مافوق الفطرت مخلوقات کی کوئی علامات موصول نہیں ہوئی۔
عمان میں موجود جرمن یونیورسٹی آف ٹیکنالوجی کے پروفیسر محمد الکندی کا کہنا تھا کہ کنویں کی تلاش کا مقصد یمنی تاریخ کو اجاگر کرنا ہے، یہ کنواں یمنی تاریخ کا ایک اہم حصہ ثابت ہو سکتا ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
