28 اکتوبر ، 2021 
حارث رؤف نے ڈیتھ اوورز میں شاندار بولنگ کرکے سب کی توجہ حاصل کرلی
28 اکتوبر ، 2021
ٹی ٹوئنٹی ورلڈ کپ میں حارث رؤف نے دو میچز میں ڈیتھ اوورز کے دوران شاندار بولنگ کرکے سب کی توجہ حاصل کرلی۔
ٹی ٹوئنٹی کرکٹ میں ڈیتھ اوورز اننگ کے 16 ویں سے 20 واں اوور ہوتا ہے، عام طور پر اننگز کے اس حصے میں بولرز کی پٹائی ہونا معمول کی بات ہے مگر حارث رؤف نے ورلڈ کپ کے دونوں میچز میں بیٹرز کو بڑے شاٹس مارنے نہیں دی۔
بھارت اور نیوزی لینڈ کے خلاف میچز میں حارث رؤف نے ڈیتھ اوورز میں دو، دو اوورز کرائے اور دونوں میچز میں مجموعی طور پر صرف 23 رنز دیے جس میں ایک رن بائی اور ایک لیگ بائی کا ہے۔
ان ڈیتھ اوورز کے دوران حارث نے چار وکٹیں لیں اور انہیں صرف ایک ہی باؤنڈری لگ سکی۔
لاہور قلندرز کے پلیئر ڈولپمنٹ پروگرام سے منظر عام پر آنے والے حارث رؤف نے اپنے ڈیبیو سے اب تک 25 میچز میں 33 وکٹیں حاصل کی۔
24 جنوری 2020کو حارث کا ڈیبیو ہوا تھااور اس تاریخ سے اب تک صرف جنوبی افریقا کے تبریز شمسی حارث سے زیادہ وکٹیں حاصل کرپائے جبکہ تبریز نے اس دورانیے میں 38 وکٹیں لیں۔
حارث کی ان 33 وکٹوں میں 23 وکٹیں ڈیتھ اوورز میں آئیں، دائیں ہاتھ سے بولنگ کرانے والے حارث رؤف کا ڈیتھ اوورز میں اکانومی ریٹ 7.89 ہے جو ماہرین کے مطابق ٹی ٹوئنٹیز کے آخری اوورز میں ایک قابل قدر اکانومی ریٹ ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
