04 نومبر ، 2021 
ٹی ٹوئنٹی ورلڈکپ: بھارت کی پہلی جیت پر کوہلی نے کس طرح خوشی کا اظہار کیا؟
04 نومبر ، 2021
ٹی ٹوئنٹی ورلڈکپ میں بھارت کی گزشتہ روز افغانستان کے خلاف جیت سوشل میڈیا پر بھی زیر بحث ہے۔
سوشل میڈیا پلیٹ فارمز پر افغانستان ٹیم کے بولرز کی جہاں مختلف ویڈیوز وائرل ہوئیں وہیں بھارتی شائقین نے بھی ٹی ٹوئنٹی ورلڈکپ میں پہلی جیت پر خوشی کا اظہار کیا۔
ایسے میں بھارتی کپتان ویرات کوہلی بھی ایونٹ میں پہلی فتح کے بعد کسی سے پیچھے نہ رہے اور ٹوئٹر پر خوشی کا اظہار کیا۔
کوہلی نے اپنی ٹوئٹ میں میچ کے دوران کی بھارتی کھلاڑیوں کی مخلتف تصاویر شیئر کیں جس میں کھلاڑیوں کو خوشی کا اظہار کرتے دیکھا جاسکتا ہے۔
بھارتی کپتان کوہلی نے ٹوئٹ میں بھارت کا جھنڈا بھی شیئر کیا۔
ٹی ٹوئنٹی ورلڈکپ کے سپر 12 مرحلے میں گروپ 2 کے میچ میں بھارت نے افغانستان کو 66 رنز سے شکست دے کر ایونٹ میں پہلی کامیابی حاصل کرلی۔
بھارت کے 211 رنز کے ہدف کے تعاقب میں افغانستان نے مقررہ 20 اوورز میں7 وکٹوں کے نقصان پر 144 رنز بنائے۔
