10 دسمبر ، 2021 
لاہور میں سنگین جرائم کی شرح میں خطرناک حد تک اضافہ
10 دسمبر ، 2021
لاہور میں سنگین جرائم کی شرح میں خطرناک حد تک اضافہ سامنے آیا ہے اور پولیس ریکارڈ کے مطابق رواں سال 11 ماہ کے دوران 392 شہری قتل کیے گئے جب کہ 28 افراد کو دورانِ ڈکیتی مزاحمت پر موت کے گھاٹ اتارا گیا۔
پولیس ریکارڈ کے مطابق لاہور میں 2021 کے پہلے 11 ماہ میں 392 شہری قتل کیےگئے، 8 شہریوں کو تاوان کی خاطر اور 2 ہزار 327 شہریوں کو دیگر مقاصد کے لیے اغوا کیا گیا۔
رپورٹ کے مطابق شہر میں ڈکیتی کی 28 اور راہزنی کی 8 ہزار 307 وارداتیں ہوئیں، چوری کی 2 ہزار 927 جب کہ کار، موٹر سائیکل اور موبائل چوری کی12 ہزار50 وارداتیں سامنے آئیں۔
پولیس حکام کے مطابق قتل کے 948 ملزموں کوگرفتار کرکے 112 کا چالان مکمل کیا گیا، اغوا برائے تاوان کے 7 کیسز حل کیے گئے اور صرف ایک مقدمہ زیر تفتیش ہے جب کہ ڈکیتی کے دوران قتل کے 5 مقدمات کے چالان مکمل کر کے عدالتوں کو بھجوا دیےگئے۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
8 گھنٹے پہلے
کیا پیراتھائرائیڈکا علاج پاکستان میں ممکن ہے؟
10 گھنٹے پہلے
