21 دسمبر ، 2021 
پاکستان
کورنگی میں مبینہ مقابلے کی سی سی ٹی وی ویڈیو سامنے آگئی
21 دسمبر ، 2021
کراچی: کورنگی کے علاقے مہران ٹاؤن میں پولیس اور ملزمان کے درمیان مقابلے کی سی سی ٹی وی جیو نیوز کو موصول ہوگئی ہے۔
فوٹیج میں پولیس اور ملزمان کے درمیان فائرنگ کا تبادلہ دیکھا جاسکتا ہے جب کہ فائرنگ کی زد میں آکر ایک شہری جاں بحق بھی ہوا تھا۔
واقعے میں موٹرسائیکل پر سوار دو ملزمان ایک پارک موٹرسائیکل کو لے جانے کی کوشش کرتے ہیں کہ اتنے میں پیچھے سے مسافر بس آتی ہے جس میں سے شہری اتر کر اپنے گھر کی طرف جاتا ہے۔
اس دوران پولیس موقع پر پہنچتی ہے، پولیس اور ملزمان میں فائرنگ کا تبادلہ ہوتا ہے۔ فائرنگ میں راہگیر کو گولی لگی جسے پولیس اہلکاروں کی جانب سے ڈاکو بتایا گیا۔ تاہم واقعے میں ملوث تینوں اہلکار زیر حراست ہیں جب کہ ایس ایچ او کو معطل کردیا گیا ہے۔
