23 دسمبر ، 2021 
پاکستان
کراچی میں ننھی حرمین کے جاں بحق ہونے کے واقعے کی ایک اور ویڈیو آگئی
23 دسمبر ، 2021
کراچی کے علاقے شاہ لطیف ٹاؤن میں ننھی حرمین کے جاں بحق ہونے کے واقعے کی ایک اور سی سی ٹی وی فوٹیج منظر عام پر آگئی۔
فوٹیج میں حرمین کو زخمی حالت میں دیکھا جاسکتا ہے، وڈیو میں ایک ملزم کو بھی زخمی حالت میں اسی اسپتال لاتے ہوئے دیکھا جاسکتا ہے۔
خیال رہے کہ گزشتہ روز شاہ لطیف ٹاؤن میں منزل پمپ کے قریب موٹر سائیکل پر سوار ڈاکو منی مارٹ لوٹ کر بھاگ رہے تھے، اسی دوران مارٹ میں تعینات سکیورٹی گارڈز نے ان پر فائرنگ کی، جواب میں ڈاکو بھی فائرنگ کرتے رہے اور فائرنگ کے اس اندھے تبادلے کی زد میں ماموں کے ساتھ بیٹھی چار سال کی پھول جیسی حرمین آگئی، گولی اس کے نازک سر میں لگی ہے اور پار ہوگئی۔
