کراچی: ماسک نہ پہننے والے سرکاری ملازمین کی تنخواہ کاٹنے کے احکامات جاری

پاکستان میں کورونا  کے دیگر ویرینٹ کی طرح اومی کرون کے مریضوں کی تعداد میں اضافے  کے بعد صوبائی حکومت نے اہم اعلان کیا ہے۔

سندھ حکومت کے اعلان کے مطابق جو سرکاری افسران یا ملازمین ماسک نہیں پہنیں گے ان کی ایک دن کی تنخواہ کاٹی جائے گی۔

دوسری جانب  پاکستان کے بڑے شہروں میں کورونا کے مثبت کیسز  میں اومی کرون مریضوں کی تعداد 70 فیصد تک پہنچ گئی ہے۔ 

محکمہ صحت سندھ کے مطابق کراچی میں مثبت کورونا کیسز کی شرح  35 فیصد تک پہنچ گئی ہے۔

حکام کے مطابق کراچی میں گزشتہ 24گھنٹوں کے دوران کورونا کے 6124 ٹیسٹ کیے گئے جس میں سے 2412کیسز مثبت نکلے۔

کورونا کے بڑھتے ہوئے کیسز کے باوجود  حکومت سندھ نے  تعلیمی سرگرمیاں جاری رکھنے کا فیصلہ کیا ہے۔

ادھر   این سی او سی نے صوبائی وزرائے صحت اور تعلیم کا اجلاس کل طلب کر لیا ہے جبکہ اندرون ملک پروازوں میں کھانے پینے کی فراہمی پر مکمل پابندی عائد کر دی گئی ہے۔

کراچی میں کورونا مثبت کیسز کی شرح 40 فیصد کے قریب پہنچ گئی

کراچی میں گزشتہ 24گھنٹوں کے دوران کورونا کے 6124 ٹیسٹ کیے گئے جس میں سے 2412کیسز مثبت نکلے۔

پاکستان میں کورونا سے مزید 9 اموات، 4 ہزار سے زائد نئے کیسز بھی رپورٹ

گزشتہ 24 گھنٹوں کے دوران ملک میں 51236 ٹیسٹ کیے گئے جس میں سے 4027 افراد میں کورونا وائرس کی تصدیق ہوئی