07 فروری ، 2022 
پاکستان
لاہور ائیرپورٹ پر فلائٹ آپریشن معطل ہوگیا ہے جس کے وجہ سے اندرون و بیرون ملک سے آنے والی پروازیں تاخیر کا شکار ہیں۔ —فوٹو: فائل
شدید دھند کے باعث لاہور انٹرنیشنل ائیرپورٹ پر فلائٹ آپریشن معطل
07 فروری ، 2022
پنجاب میں شدید دھند کے باعث لاہور لاہور انٹرنیشنل ائیرپورٹ پر فلائٹ آپریشن معطل ہوگیا ہے جس کے وجہ سے اندرون و بیرون ملک سے آنے والی پروازیں تاخیر کا شکار ہیں۔
حکام کی جانب سے مسافروں کو اپنی پرواز سے متعلق معلومات حاصل کرکے ائیرپورٹ آنے کا مشورہ دیا گیا ہے۔
اس کے علاوہ حدنگاہ کم ہونے کی وجہ سے موٹروے ایم 2 ٹھوکر نیازبیگ سےشیخوپورہ تک بند کردی گئی ہے جبکہ موٹر وے ایم 3 فیض پورسے رجانہ اور موٹروے ایم 11محمودبوٹی سے سمبڑیال تک بند ہے۔
دوسری جانب ملکہ کوہسار مری میں ہلکی برف باری ہوئی جبکہ آزاد کشمیر کے مختلف علاقوں میں بارش اور پہاڑوں پر برفباری ہوئی۔
