03 اپریل ، 2022 
ن لیگی ایم این اے کھیل داس نواز شریف کی تصویر پارلیمنٹ ہاؤس لے آئے
03 اپریل ، 2022
مسلم لیگ ن کے رکن قومی اسمبلی کھیل داس کوہستانی پارٹی قائد نواز شریف کی تصویر اپنے ہمراہ پارلیمنٹ ہاؤس لے آئے۔
کھیل داس کوہستانی کا پارلیمنٹ ہاؤس پہنچنے پر میڈیا سے کہنا تھا کہ آج نواز شریف وزیراعظم بن رہے ہیں۔
ان کا کہنا تھا کہ شہباز شریف وزیراعظم بنے یا نواز شریف، سب کو پتہ ہے ایک ہی بات ہے۔
یاد رہے کہ آج قومی اسمبلی کا اہم اجلاس ہو رہا ہے جس میں وزیراعظم عمران خان کے خلاف تحریک عدم اعتماد پر ووٹنگ ہو گی۔
مسلم لیگ ن کی ترجمان مریم اورنگزیب نے ایک تصویر شیئر کرتے ہوئے بتایا کہ ہمارے پاس 174 ارکان ہیں۔
گزشتہ روز مسلم لیگ ن کی رکن پنجاب اسمبلی حنا پرویز بٹ نے بھی ایک بیان دیا تھا کہ حمزہ شہباز کی جیت کی خوشی میں تمام لیگی ارکان اسمبلی نواز شریف کی تصویر والی شرٹس پہن کر آئیں گی۔
