نئے وزیراعظم کی تقریب حلف برداری آج ہوگی، ایوان صدر میں تیاریاں جاری

اسلام آباد: ملک  کے نئے وزیراعظم کے انتخاب کے بعد تقریب حلف برداری بھی آج ہی ہوگی۔

ذرائع کا کہنا ہےکہ قومی اسمبلی کی جانب سے نئے قائد ایوان کے انتخاب کے بعد آج ہی نومنتخب وزیراعظم اپنے عہدے کا حلف اٹھائیں گے۔

ذرائع کا کہنا ہےکہ صدر مملکت عارف علوی نو منتخب وزیراعظم سےحلف لیں گے جس کے لیے ایوان صدر میں حلف برداری کی تقریب کی تیاریاں جاری ہیں۔

واضح رہےکہ تحریک عدم اعتماد کی کامیابی  کے نتیجے میں عمران خان کے وزارت عظمیٰ کے منصب سے ہٹنے کے بعد قومی اسمبلی آج ملک کے 23 ویں وزیراعظم کا انتخاب کرے گی۔

عزت دینے والا اللہ ہے: عمران خان

سابق وزیراعظم عمران خان پارلیمنٹ ہاؤس پہنچے جہاں پارٹی اراکین نے ان کے حق میں نعرے بازی کی

نئے وزیراعظم کا چناؤ آج، شاہ محمود اور شہباز شریف میں مقابلہ، عمران خان بھی پارلیمنٹ ہاؤس پہنچ گئئے

آج ہونے والے قومی اسمبلی کے اجلاس کا دو نکاتی ایجنڈا بھی جاری کر دیا گیا ہے۔