بطور چیئرمین پی سی بی اپنے مستقبل کا فیصلہ رمیز کے اپنے ہاتھ میں ہے: عمران خان

سابق وزیراعظم عمران خان کا چیئرمین پاکستان کرکٹ بورڈ(پی سی بی)  رمیزراجہ کے حوالے سے ردِعمل سامنے آگیا ہے۔

اسلام آبادمیں سابق وزیراعطم عمران خان  نے  بنی گالہ میں صحافیوں سے ملاقات کی اور رمیزراجہ کے استعفے اور نجم سیٹھی کی پی سی بی میں آنے کی خبروں پرتبصرہ کیا۔

اس موقع پرصحافی نے عمران خان سے سوال  کیا کہ موجودہ صورتحال کے حوالے سے آپ رمیز راجہ کو کیا ہدایت دیں گے؟ 

صحافی کو جواب دیتے ہوئے عمران خان نے کہا کہ 'رمیزراجہ میرا کھلاڑی ہے، میں نے اسے  آزاد چھوڑا ہوا ہے'۔

وزیراعظم نے رمیز راجہ کی بطور چیئرمین پی سی بی تقرری کی منظوری دیدی

چیئرمین پی سی بی بننا میرے لیے بہت اعزاز کی بات ہے: رمیز راجہ کی جیو نیوز سے گفتگو

انہوں نے کہا کہ رمیزراجہ آخر تک مخالفین کا مقابلہ کریں گے اور  بطور چیرمین پی سی بی   مستقبل کا فیصلہ ان کے  اپنے ہاتھ میں ہے۔

عمران خان کا کہنا تھا کہ اگر رمیزراجہ چیرمین پی سی بی کے عہدے سے استعفیٰ دیتے ہیں تو وہ ان کا اپنا فیصلہ ہوگا۔