18 فروری ، 2012 
برطانیہ میں نسلی تعصب اورسماجی بے انصافی کادکھ جھیلاہے،سعیدہ وارثی
18 فروری ، 2012
لندن … برطانوی کابینہ کی رکن سعیدہ وارثی کا کہنا ہے کہ برطانیہ میں رہتے ہوئے انھوں نے بھی نسلی تعصب اورسماجی بے انصافی کادکھ جھیلاہے۔جس کے خلاف انھوں نے مہم بھی چلائی تھی۔برٹش پاکستانی فاوٴنڈیشن کے تحت برطانوی دارالامراء میں ایک استقبالیہ سے خطاب کرتے ہوئے سعیدہ وارثی نے بتایا کہ برطانیہ میں نسلی تعصب اورسماجی بے انصافی کے خلاف انھوں نے اپنے زمانہ طالب علمی میں نسلی مساوات کیلیے مہم چلائی تھی۔انھوں نے اپنی سیاست میں دلچسپی سے متعلق بتایا اورکہاکہ وہ ملک میں حقیقی تبدیلی لانے کی خواہشمند ہیں۔سعیدہ وارثی نے واضح کیاکہ دوہزارپانچ میں برطانوی مساجد میں یہ بحث چل رہی تھی کہ خواتین کو الیکشن میں کھڑے ہونے کی اجازت ہونی چاہیے یانہیں۔ان کاکہنا تھا کہ وہ ہرقسم کے نسلی ،سماجی اور ثقافتی تعصبات کے خلاف ہیں۔
مزید خبریں :
امریکی صدر ٹرمپ کے غزہ پر قبضے کے بیان پر دنیا بھر کی مذمت
05 فروری ، 2025
پرنس رحیم آغا خان اسماعیلی کمیونٹی کے نئے امام ہوں گے
05 فروری ، 2025
غزہ پر قبضے سے متعلق ٹرمپ کا بیان، حماس کا ردعمل سامنے آگیا
05 فروری ، 2025
