تیل کی عالمی قیمتوں میں اضافےکے بعد امارات میں پیٹرول کی قیمتوں میں کتنا اضافہ ہوا؟

خام تیل کی عالمی قیمتوں میں اضافے کی وجہ سے جنوری 2022 سے متحدہ عرب امارات میں پیٹرول کی قیمتوں میں 74 فیصد سے زیادہ  اضافہ ہوا ہے۔

فروری میں شروع ہونے والی روس یوکرین جنگ کے بعد سے عالمی مارکیٹ میں خام تیل کی قیمتوں میں بڑا اضافہ ہوا ہے جس کی وجہ سے دنیا بھر میں مہنگائی کی لہر ایک بڑا مسئلہ بن گئی ہے۔

خلیج ٹائمز کے مطابق امارات میں فروری میں سپر 98 پیٹرول 2.65 درہم فی لیٹر (149.41 پاکستانی روپے)  میں فروخت ہوتا تھا جو اب جولائی میں بڑھ کر 4.63 درہم فی لیٹر (262.5 پاکستانی روپے) ہوگیا ہے۔

متحدہ عرب امارات میں پیٹرولیم مصنوعات کی قیمتوں میں 15 فیصد تک اضافہ

متحدہ عرب امارات میں 4 ماہ میں تیل کی قیمتوں میں 100 فیصد سے زائد کا اضافہ ہوچکا ہے۔

امارات میں مئی میں پیٹرول کے نرخوں میں قدرے کمی آئی تھی لیکن جولائی میں ایندھن کی قیمتوں میں مسلسل دوسرے مہینے اضافہ ہوا۔

امارات میں اسپیشل 95 پیٹرول کی قیمت 4.52 درہم فی لیٹر (254.85پاکستانی روپے) ہے جب کہ ای پلس 91 پیٹرول کی قیمت 4.44 درہم فی لیٹر (250.34 پاکستانی روپے) ہو گئی ہے۔

امارات میں ایندھن کی قیمتیں ہر ماہ پچھلے مہینے میں عالمی مارکیٹ میں خام تیل کی قیمت کے اتار چڑھاؤ کی بنیاد پر ایڈجسٹ کی جاتی ہیں۔

پیٹرول کی قیمتوں میں اضافے کی وجہ سے دبئی اور شارجہ میں ٹیکسی اور بس کےکرائے بھی بڑھ گئے ہیں۔