11 جولائی ، 2022 
کراچی میں غیر معمولی بارشوں کے باوجود ائیرپورٹ پر صورتحال معمول کے مطابق ہے
11 جولائی ، 2022
کراچی میں غیر معمولی بارشوں کے باوجود ائیرپورٹ پر صورتحال معمول کے مطابق ہے۔
ترجمان سول ایوی ایشن اتھارٹی کے مطابق سوشل میڈیا پر کراچی ائیرپورٹ کی تازہ صورتحال سے منسوب کرکے ایک ویڈیو وائرل کی جا رہی ہے جس میں قومی ائیرلائن کے ایک طیارے کو رن وے پر کھڑے پانی سے گزرتے دیکھا جاسکتا ہے۔
ترجمان سول ایوی ایشن نے اس ویڈیو کو جعلی قرار دیا ہے۔
ترجمان سول ایوی ایشن اتھارٹی نے اس کے ساتھ ہی کراچی ائیرپورٹ کے جناح ٹرمینل پر طیاروں کے پارکنگ ایریاز اور رن ویز کی تازہ ویڈیوز بھی شیئر کی ہیں جن میں کراچی ائیر پورٹ کے تمام ٹرمینلز پر صورتحال معمول کے مطابق ہے اور وہاں بارش کا پانی نظر نہیں آرہا۔
ترجمان نے کہا کہ ائیر پورٹ کے تمام رن ویز طیاروں کی لینڈنگ اور ٹیک آف کے لیے محفوظ اور کلیئر ہیں۔
