18 جولائی ، 2022 
پاکستان کے بائیں ہاتھ کے بولرز بھارت کیلئے مشکلات کا سبب بنتے ہیں: ناصر حسین
18 جولائی ، 2022
انگلش کرکٹ ٹیم کے سابق کپتان ناصر حسین پاکستان کے بائیں ہاتھ کے فاسٹ بولرز کے معترف ہوگئے۔
ناصر حسین نے کہا کہ بائیں ہاتھ کے بولرز بھارت کے لیے مشکلات کا سبب بنتے ہیں، تاریخ بتاتی ہے کہ شاہین آفریدی نے بھارتی بیٹنگ لائن اپ کو اڑا کر رکھ دیا تھا۔
انہوں نے کہا کہ روہت شرما اینڈ کمپنی کو بائیں ہاتھ کے فاسٹ بولرز سےکچھ بہتر انداز سے کھیلنا سیکھنا ہوگاکیوں کہ شاہین آفریدی نے بھارت کے پرخچے اڑا دیے تھے ۔
سابق کپتان کاکہنا تھا کہ بھارت ایک مضبوط ٹیم ہے، انگلینڈ میں بھی ون ڈے سیریز جیتی، بھارت کو ٹی ٹوئنٹی ورلڈکپ 2021کے دبئی میں ہونے والے میچ سے سیکھنا ہوگا، بھارت کی ٹاپ آرڈر کو ڈرپوک بننے کی ضرورت نہیں، دبئی میں بھارت کے بیٹرز ڈرپوک ہوگئے تھے۔
ناصر حسین نے بھارت کو مشورہ دیا کہ جب آپ کے پاس مڈل آرڈر میں ریشبھ پنٹ اور ہاردک پانڈیا ہوں تو ڈرپوک بننے کی ضرورت نہیں، چیمپئنز ٹرافی 2017کے فائنل میں محمد عامر نے بھارتی بیٹرز کو اڑا کر رکھا تھا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
