19 جولائی ، 2022 
'میری بیوی کو مجھ سے زیادہ سنجے دت اور عامر خان کی اداکاری پسند ہے'
19 جولائی ، 2022
بالی وڈ سپر اسٹار شاہ رخ خان کی ایک پرانی ویڈیو وائرل ہورہی ہے جس میں انہوں نے انکشاف کیا کہ ان کی اہلیہ گوری خان کو سنجے دت اور عامر خان کی اداکاری زیادہ پسند ہے۔
یہ ویڈیو کلپ بھارت کے معروف صحافی رجت شرما کے پروگرام 'آپ کی عدالت' سے لیا گیا ہے جس میں موجود افراد شاہ رخ سے دلچسپ سوالات پوچھ رہے ہیں جب کہ میزبان نے خود بھی اداکار سے سوال کیا۔
رجت شرما نے شاہ رخ سے کہا کہ 'میں نے ایک جگہ آپ کی بیوی کا بیان پڑھا تھا، انہوں نے کہا کہ انہیں آپ سے زیادہ سنجے اور عامر کی اداکاری پسند ہے'۔
شاہ رخ نے مسکراتے ہوئے رجت شرما کی بات سے اتفاق کیا اور کہا کہ 'میری بیوی کو سنجے دت اور عامر خان کی اداکاری زیادہ پسند ہے، وہ سمجھتی ہے کہ میں اوور ایکٹنگ کرتا ہوں، بہت زیادہ ہاتھ پاؤں ہلاتا ہوں'۔
پروگرام میں موجود ایک مداح نے شاہ رخ سے سوال کیا کہ 'کیا یہ سچ ہے کہ آپ شوٹنگ کے دوران گوری کو 8 سے 10 بار فون کرتے ہیں ، کیا آپ ان سے ڈرتے ہیں؟ '
اداکار نے جواب دیا کہ ' فون کا ڈر سے کیا تعلق؟ وہ یاد آتی ہیں تو فون کرلیتا ہوں، اگر وہ مجھے ہر 5 منٹ یا 5 گھنٹے بعد یاد آئیں گی تو میں فون کروں گا، میں کسی اور کی بیوی کو تو فون نہیں کرتا نا '۔
مزید خبریں :
بالی وڈ اداکارہ جیکولین فرنینڈس کی والدہ چل بسیں
12 گھنٹے پہلے
سی آئی ڈی کے اے سی پی پردھیومن چل بسے، چینل کی تصدیق، مداح ناراض
06 اپریل ، 2025
کرینہ کپور کس ڈش کو کھائے بغیر نہیں رہ سکتیں؟
05 اپریل ، 2025
100 سے زائد فلموں میں کام کرنیوالے سینیئر بھارتی اداکار چل بسے
05 اپریل ، 2025
