06 اپریل ، 2025 
فلم میں کام کیلئے ڈائریکٹر نے نامناسب ڈیمانڈ کی، ایک اور نامور بھارتی اداکارہ کا انکشاف
06 اپریل ، 2025
بھارتی اداکارہ شریا گپتا نے انکشاف کیا ہے کہ فلم میں کردار کیلئے ہدایت کار نے نامناسب ڈیمانڈ کی تھی۔
اداکارہ شریا کا تعلق مغربی بنگال سے ہے اور وہ کئی فلموں اور سیریز میں کام کرچکی ہیں۔ اداکارہ تامل انڈسٹری کے سپر اسٹار رجنی کانت، سوریا اور سلمان خان کے ساتھ فلم سکندر میں بھی نظر آچکی ہیں۔
شریا نے حال ہی میں ایک انٹرویو میں کاسٹنگ کاؤچ کا شکار ہونے کا انکشاف کیا ہے۔ اداکارہ نے بتایاکہ چنئی میں کاسٹنگ کاؤچ کا شکار ہوئی ہوں، 2014 میں ایک فلم کے آڈیشن کیلئے نامور ڈائریکٹر کے دفتر گئی اور ساتھ والدہ بھی تھیں، جب ڈائریکٹر کے کیبن میں گئی تو انہوں نے کہا کہ میری گود میں بیٹھو اور سین دکھاؤ۔
ان کا کہنا تھاکہ میں بالکل نوجوان تھی اور ڈر گئی تھی، میں نے بہانہ کیا اور کہا کہ میں سین تیار کروں گی اور کل واپس آؤں گی لیکن اس کے بعد میں کبھی نہیں گئی، اسی طرح کے واقعات کے باعث انڈسٹری سے تھوڑا دور ہوگئی تھی اور میرے ممبئی منتقل ہونے کی ایک وجہ بھی یہی ہے۔
انٹرویو میں اداکارہ نے ڈائریکٹر کا نام نہیں بتایا۔
خیال رہے کہ اس سے قبل بھی کئی اداکارائیں کاسٹنگ کاؤچ کا شکار ہونے کا انکشاف کرچکی ہیں۔
مزید خبریں :
بالی وڈ اداکارہ جیکولین فرنینڈس کی والدہ چل بسیں
06 اپریل ، 2025
سی آئی ڈی کے اے سی پی پردھیومن چل بسے، چینل کی تصدیق، مداح ناراض
06 اپریل ، 2025
کرینہ کپور کس ڈش کو کھائے بغیر نہیں رہ سکتیں؟
05 اپریل ، 2025
100 سے زائد فلموں میں کام کرنیوالے سینیئر بھارتی اداکار چل بسے
05 اپریل ، 2025
