23 جولائی ، 2022 
انگلش کرکٹ بورڈ کے سکیورٹی وفد نے پاکستان میں انتظامات کو اطمینان بخش قرار دے دیا
23 جولائی ، 2022
انگلینڈ کرکٹ بورڈ کا 4 رکنی سکیورٹی وفد پاکستان میں سکیورٹی صورتحال کا جائزہ لینے کے بعد واپس روانہ ہوگیا۔
وفد نے اسلام آباد ، کراچی ، لاہور اور ملتان کے چار وینیوز کا دورہ کیا۔ وفد نے پاکستان میں انتظامات کو اطمینان بخش قراردیا، وفد اب بورڈ حکام کو رپورٹ پیش کرے گا جس کے بعد پاکستان اور انگلینڈ کے درمیان ٹی ٹوئنٹی اور ٹیسٹ سیریز کا فیصلہ ہوگا۔
4 رکنی وفد نے لاہور ، ملتان ، اسلام آباد اور کراچی کا دورہ کیا، وفد کو چار وینیوز کے حوالے سے سکیورٹی اداروں نے بریفنگز دیں۔
وفد نے ٹیم ہوٹلز اور اسٹیڈیمز میں بھی انتظامات کا جائزہ لیا ہے اور پاکستان میں انتظامات کو اطمینان بخش قرار دیا۔
سکیورٹی وفد بورڈ حکام کو رپورٹ پیش کرے گا جبکہ پاکستان اور انگلینڈ کے درمیان سیریز کے شیڈول کا اعلان اگست کے دوسرے ہفتے میں کیا جائے گا۔
انگلینڈکی کرکٹ ٹیم دو مرحلوں میں پاکستان کا دورہ کرے گی، پہلے مرحلے میں ستمبر کے وسط میں 7 ٹی ٹوئنٹی کیلئے دورہ ہوگا جبکہ دسمبر میں ٹیسٹ میچز کھیلے جائیں گے۔
سکیورٹی وفد کا دورہ دونوں مرحلوں کی سیریز کیلئے انتظامات کا جائزہ لینے کیلئے تھا ، ٹی ٹوئنٹی سیریز دو وینیوز لاہور اور کراچی میں کھیلی جائے گی جبکہ ٹیسٹ میچز تین وینیوز پر ہوں گے، دونوں مرحلوں کی سیریز کے شیڈول کا اعلان ایک ساتھ کیا جائے گا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
