پاکستان
11 اگست ، 2022

ای سی سی اجلاس میں پی ایس او اور روز ویلٹ ہوٹل سمیت مختلف معاملات کی منظوریاں

ای سی سی کی جانب سے پی ایس او کو 50 ارب روپے قرضے کی فراہمی کیلئے لیٹر آف کنفرٹ جاری کرنے کی منظوری دی گئی/ فوٹو: فائل
 ای سی سی کی جانب سے پی ایس او کو 50 ارب روپے قرضے کی فراہمی کیلئے لیٹر آف کنفرٹ جاری کرنے کی منظوری دی گئی/ فوٹو: فائل

اسلام آباد: وفاقی وزیر خزانہ مفتاح اسماعیل کی زیر صدارت اکنامک کو آرڈینیشن کمیٹی (ای سی سی) کے اجلاس میں پاکستان اسٹیٹ آئل (پی ایس او) اور روز ویلٹ ہوٹل سمیت دیگر اہم معاملات پر فیصلے کیے گئے۔

وزارت خزانہ کی جانب سے اجلاس کو آگاہی دی گئی کہ پانچ کمرشل بینک حکومتی گارنٹی کی منظوری تک لیٹر  پر قرضہ فراہم کرنے کیلئے رضامند ہیں۔

وزارت خزانہ کی بریفنگ کے بعد ای سی سی کی جانب سے پی ایس او کو 50 ارب روپے قرضے کی فراہمی کیلئے لیٹر آف کمفرٹ جاری کرنے کی منظوری دی گئی جبکہ وفاقی وزارت خزانہ کے مطابق فنانس ڈویژن پی ایس او کو 105 ارب روپے تک کی گارنٹی فراہم کرے گا۔

ای سی سی اجلاس میں ہوٹل کے معاملات دیکھنے کے لیے قائم کمیٹی کی سفارشات پر روزویلٹ ہوٹل کیلئے 14 کروڑ 20 لاکھ ڈالر کی بینک گارنٹی کی منظوری دی گئی، وزارت خزانہ کے مطابق قرض کی فراہمی کیلئے حکومت نیشنل بینک کو گارنٹی فراہم کرے گی۔

اعلامیہ کے مطابق ای سی سی اجلاس میں مستقبل میں یوریا کھاد کی قیمت اور ڈیلر مارجن کی پیشگی منظوری لینے کی ہدایت جاری کرتے ہوئے، 50 کلو یوریا بیگ کی ڈیلر ٹرانسفر پرائس 1805 روپے مقرر کرنے کی منظوری دی گئی ہے۔

ای سی سی اجلاس کے جاری کردہ اعلامیہ کے مطابق 23 جون سے 25 جولائی کے یوریا بیگ اسٹاک پر 145 روپے فی بیگ ڈیلر مارجن علاوہ ہوگا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM