30 اگست ، 2022
ٹوئٹر نے ایک نیا فیچر صارفین کے لیے متعارف کرا دیا ہے جس سے ٹوئٹس کو صرف قریبی دوستوں تک محدود رکھنا ممکن ہے۔
لگ بھگ 4 ماہ سے کمپنی کی جانب سے ٹوئٹر سرکل نامی فیچر کی آزمائش کی جارہی تھی اور اب یہ سب کے لیے دستیاب ہے۔
کمپنی کے مطابق اس سے صارفین کو ٹوئٹس کے حوالے سے زیادہ اطمینان محسوس ہوگا۔
ٹوئٹر سرکل انسٹاگرام کے فیچر کلوز فرینڈز سے ملتا جلتا ہے ۔
اس فیچر سے صارفین ٹوئٹس کو صرف مخصوص افراد سے شیئر کرسکیں گے۔
ٹوئٹر سرکل 150 افراد تک محدود ہوگا۔
یہ فیچر ایسے افراد کے لیے مددگار ثابت ہوگا جن کو میسجز کرنے کے بعد ہراساں کیے جانے کا ڈر ہوتا ہے۔
ٹوئٹر کے مطابق فیچر کی آزمائش سے ثابت ہوا کہ لوگ محدود افراد کے ساتھ زیادہ ٹوئٹس شیئر کرتے ہیں۔
ٹوئٹر کے مطابق فیچر کی آزمائش سے ثابت ہوا کہ لوگ اپنے محدود دوستوں کے ساتھ زیادہ ٹوئٹس شیئر کرتے ہیں، جبکہ چھوٹے گروپ میں ان کے میسجز کو زیادہ لائیکس بھی ملتے ہیں۔
واضح رہے کہ ٹوئٹر کی جانب سے فیس بک گروپس جیسے فیچر کمیونٹیز کی آزمائش بھی کی جارہی ہے۔