04 ستمبر ، 2022 
'اور کچھ ساڈے لائق'، بھارت سے جیت کے بعدآصف اور نواز کی ویڈیو سامنے آگئی
04 ستمبر ، 2022
متحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے دلچسپ مقابلے کے بعد بھارت کو آخری اوور میں 5 وکٹوں سے شکست دے کر گروپ میچ میں ہار کا حساب برابر کردیا۔
پاکستان نے بھارت کا 182 رنز کا ہدف محمد رضوان اور محمد نواز کی شاندار اننگز کی بدولت آخری اوور میں 5 وکٹوں کے نقصان پر پورا کرلیا۔
بھارت کے خلاف کامیابی کے بعد محمد نواز اور آصف علی کا مختصر ویڈیو بیان سامنے آگیا۔
پی سی بی کی جانب سے انسٹاگرام پر جاری کردہ ویڈیو میں آصف علی نے کہا کہ 'اور کچھ ساڈے لائق' جبکہ ساتھ کھڑے نواز کا کہنا تھا کہ 'رممبر دا نیم آصف علی'۔
واضح رہے کہ محمد رضوان نے 71 اور محمد نواز نے 20 گیندوں پر 42 بنائے جبکہ 4 وکٹیں گرنے کے بعد اختتامی اوورز میں خوشدل اور آصف علی نے جارحانہ اننگز کھیلی۔
آصف نے 8 گیندوں پر 16 رنز بنائے جبکہ خوشدل 11 گیندوں پر 14 رنز بناکر ناقابل شکست رہے۔
محمد نواز کو شاندار اننگز کھیلنے پر مین آف دی میچ کا ایوارڈ دیا گیا۔
