08 ستمبر ، 2022 
کھیل
فوٹو: اے ایف پی
کفر ٹوٹا خدا خدا کر کے، کوہلی نے طویل وقفے کے بعد بالآخر سنچری بنا ڈالی
08 ستمبر ، 2022
بھارتی کرکٹر ویرات کوہلی نے بالآخر تقریباً 3 سال کے وقفے کے بعد انٹرنیشنل کیریئر کی 71 ویں سنچری اسکور کر ہی لی۔
کوہلی نے متحدہ عرب امارات میں جاری ایشیا کپ کے سپر فور مرحلے میں افغانستان کے خلاف سنچری اسکور کی۔یہ ان کے انٹرنیشنل کیریئر کی 71 ویں اور ٹوئنٹی انٹرنیشنل کی پہلی سنچری ہے۔
انہوں نے 4 چھکوں اور 11 چوکوں کی مدد سے سنچری بنائی۔
تاہم اننگز کے اختتام پر کوہلی نے 6 چھکوں اور 12 چوکوں کی مدد سے 122 رنز کی ناقابل شکست اننگز کھیلی۔
واضح رہے کہ کوہلی نے آخری بار 23 نومبر 2019 میں بنگلادیش کے خلاف ٹیسٹ میچ میں سنچری اسکور کی تھی۔
