09 ستمبر ، 2022 
پاکستان
پولیس کی جانب سے خاتون کی موت کی وجہ معلوم کرنے میں عدم دلچسپی ظاہر کی گئی جبکہ قانونی ضابطے بھی نظر اندز کیے گئے/ فائل فوٹو
کراچی میں مردہ پائی جانے والی خاتون کو پولیس نے نشئی قرار دیکر کیس بند کر دیا
09 ستمبر ، 2022
کراچی کے علاقے کورنگی زمان ٹاؤن میں مردہ پائی جانے والی خاتون کی موت سوالیہ نشان ہی بن کر رہ گئی ہے۔
پولیس نے کورنگی زمان ٹاؤن سے مردہ حالت میں ملنے والی خاتون کی موت کی وجہ معلوم کرنے میں عدم دلچسپی ظاہر کرتے ہوئے قانونی ضابطے بھی نظر اندز کر دیے۔
پولیس کی جانب سے خاتون کا پوسٹ مارٹم تک نہ کرایا گیا اور اسے نشئی قرار دے کر پوسٹ مارٹم کے بغیر لاش ورثاء کے سپرد کی گئی اور کیس بند کردیا گیا۔
رخسانہ عرف عائشہ کی موت کی وجہ نامعلوم ہی رہی جبکہ خاتون کے والد کا کہنا ہےکہ بیٹی اور اس کا شوہر عدنان نشہ کرتے تھے اور جیٹھ نے بیٹی اور اپنے بھائی دونوں کو گھر سے نکال دیا تھا۔
