16 ستمبر ، 2022 
پاکستان
جراُت مندانہ اقدام پر شہریوں کو سراہا جائے گا، انہیں نقد انعامات اور تعریفی اسناد بھی دی جائیں گی: آئی جی سندھ۔ فوٹو فائل
کراچی: جرائم کی بڑھتی وارداتیں، نجی سی سی ٹی وی کیمروں کو ون فائیو سے منسلک کرنے پر غور
16 ستمبر ، 2022
کراچی میں تمام نجی سی سی ٹی وی کیمروں کو مددگار15 سسٹم سے منسلک کرنے پر غور کیا جا رہا ہے۔
آئی جی سندھ غلام نبی میمن کا کہنا ہے کہ کراچی میں نجی سی سی ٹی وی کیمروں کو مدد گار ون فائیو سسٹم سے منسلک کرنے پر غور کر رہے ہیں۔
غلام نبی میمن کا کہنا ہے کہ کمیونٹی پولیسنگ کا فروغ وقت کی ضرورت ہے، کمیونٹی پولیسنگ جرائم پیشہ عناصرکے خلاف ایک مؤثر ہتھیار ہے۔
آئی جی سندھ نے مزید کہا کہ شہر کے تمام نجی سی سی ٹی وی کیمروں کو مددگار 15 سسٹم سے منسلک کرنے پر غور کر رہے ہیں، جرات مندانہ اقدام پر شہریوں کو سراہا جائے گا، انہیں نقد انعامات اور تعریفی اسناد بھی دی جائیں گی۔
