کھیل
19 فروری ، 2012
19 فروری ، 2012 
ملک میں انٹرنیشنل مقابلے ہونے چاہئیں، اعصام الحق
19 فروری ، 2012
لاہور…ٹینس سٹار اعصام الحق بھی ملک میں کھیلوں کے عالمی مقابلے نہ ہونے سے دل گرفتہ ہو گئے۔ ڈیوس کپ کھیلنے کے بعد وطن واپسی پر انھوں نے حکومت اور فیڈریشن سے مطالبہ کیا کہ وہ غیرملکی ٹیموں سے پاکستان آنے کی اپیل کریں۔لاہور کے علامہ اقبال انٹرنیشنل ایئرپورٹ پر میڈیا سے گفتگو میں اعصام الحق کا کہنا تھا کہ ملکی حالات سے کھیلوں پر بڑا برا اثر پڑ رہا ہے کوئی بھی غیر ملکی ٹیم یہاں آنے کو تیار نہیں۔ اعصام الحق کا کہنا تھا کہ خوشی کی بات یہ ہے کہ لبنانی کھلاڑی کو لبنان میں شکست دی لیکن بدقسمتی یہ ہے کہ فلپائن کے ساتھ میچ پاکستان میں نہیں ہوں گے۔
