30 ستمبر ، 2022 
کورونا کا شکار نسیم شاہ ہوٹل سے گھر منتقل
30 ستمبر ، 2022
کورونا کا شکار پاکستان کرکٹ ٹیم کے فاسٹ بولر نسیم شاہ کو ہوٹل سے گھر بھیج دیا گیا ہے۔وہ آئندہ 2 روز اپنے گھر میں آئسولیشن کریں گے۔
پاکستان کرکٹ بورڈ(پی سی بی) کے مطابق کورونا کا شکار نسیم شاہ گھر میں تمام احتیاطی تدابیر پر عمل کریں گے۔
پی سی بی ترجمان کا کہنا ہے کہ نسیم شاہ انگلینڈ کے خلاف سیریز میں شامل آئندہ دو میچز کے لیے دستیاب نہیں ہیں۔ان کی آئسولیشن ہفتے کے روز مکمل ہوجائے گی جس کے بعدوہ اتوار کو ٹیم کے ہمراہ نیوزی لینڈ روانہ ہوں گے۔
اس دوران پی سی بی کا میڈیکل پینل ان کی صحت کا جائزہ لیتا رہے گا۔
واضح رہے کہ گزشتہ روز قومی ٹیم کے نوجوان فاسٹ بولر نسیم شاہ میں نمونیا کے بعد کورونا وائرس کی بھی تشخیص ہوئی تھی۔
یاد رہے کہ نسیم شاہ کو دو روز قبل بخار کے باعث اسپتال میں داخل کروایا گیا تھا اور بدھ کو پی سی بی نے نسیم شاہ کے نمونیا میں مبتلا ہونے کے بارے میں بتایا تھا۔
مزید خبریں :
رونالڈو نے ریٹائرمنٹ سے متعلق اپنے منصوبے کا اعلان کر دیا
18 نومبر ، 2024
