بلدیاتی الیکشن: سندھ حکومت نے سکیورٹی وسائل دینے سے معذرت کرلی
13 اکتوبر ، 2022
کراچی: سندھ حکومت نے 23 اکتوبر کو ہونے والے بلدیاتی انتخابات کے لیے مطلوبہ سکیورٹی وسائل فراہم کرنے سے معذرت کرلی۔
سندھ حکومت کا کہنا ہےکہ 23 اکتوبرکوبلدیاتی انتخابات کے لیے مطلوبہ سکیورٹی وسائل دستیاب نہیں ہیں کیونکہ بڑی تعداد میں پولیس فورس سیلاب زدگان کی مدد میں مصروف ہے۔
حکومت کا مؤقف ہے کہ سندھ حکومت 2 مراحل میں کراچی میں بلدیاتی انتخابات کرانے کے لیے تیار ہے، 3 ماہ میں حالات معمول پر آجائیں تو بلدیاتی انتخابات کے لیے سکیورٹی وسائل دستیاب ہوں گے۔
خیال رہے کہ الیکشن کمیشن نے کراچی میں بلدیاتی انتخابات ملتوی کرنے کی سندھ حکومت کی درخواست مسترد کی ہوئی ہے۔
