22 اکتوبر ، 2022 
کھیل
15 کھلاڑیوں پر مشتمل اسکواڈ میں فاطمہ ثناء کی واپسی ہوئی ہے جب کہ ڈیانا بیگ انجری کے باعث اسکواڈ میں شامل نہیں ہیں/ فوٹو پی سی بی
آئرلینڈ کیخلاف سیریز کیلئے قومی خواتین اسکواڈ کا اعلان
22 اکتوبر ، 2022
لاہور: آئرلینڈ کے خلاف سیریز کےلیے قومی کرکٹ خواتین اسکواڈ کا اعلان کردیا گیا۔
بورڈ انتظامیہ کے مطابق 15 کھلاڑیوں پر مشتمل اسکواڈ میں فاطمہ ثناء کی واپسی ہوئی ہے جب کہ ڈیانا بیگ انجری کے باعث اسکواڈ میں شامل نہیں ہیں۔
قومی ویمنز ون ڈے اور ٹی ٹوئنٹی اسکواڈ کی قیادت بسمہ معروف کریں گی جب کہ دیگر کھلاڑیوں میں ایمن انور، عالیہ ریاض، فاطمہ ثناء، غلام فاطمہ ، کائنات امتیاز، منیبہ علی، نشرہ سندھو، ندا ڈار، عمیمہ سہیل، صدف شمس، سعدیہ اقبال، سدرہ امین، سدرہ نواز اور امِ ہانی شامل ہیں۔
آئرلینڈ سے سیریز تین ٹی ٹوئنٹی اور تین ون ڈے پر مشتمل ہے جب کہ میچز 4 سے 16 نومبر تک قذافی اسٹیڈیم لاہور میں کھیلے جائیں گے۔
