23 اکتوبر ، 2022 
بال ٹیمپرنگ اسکینڈل، آسٹریلیا کی جاسوسی کیسے کی گئی؟ ڈوپلیسی کے ہوشربا انکشافات
23 اکتوبر ، 2022
سابق جنوبی افریقی کپتان فاف ڈوپلیسی نے سینڈ پیپر گیٹ کے بارے میں ہوشربا انکشافات کیے ہیں۔
فاف ڈوپلیسی نے اپنی کتاب میں بال ٹیمپرنگ کے بارے میں انکشاف کرتے ہوئے کہا کہ آسٹریلین کھلاڑیوں پر بال ٹیمپرنگ میں ملوث ہونے کا پہلے سے شک تھا، سینڈ پیپر گیٹ کے اسکینڈل سے بہت پہلے بال ٹیمپرنگ کا علم ہو گیا تھا۔
فاف ڈوپلیسی کی کتاب ’فاف تھرو فائر‘ 28 اکتوبر کو منظر عام پر آئے گی جس میں انکشاف کیا گیا ہے کہ جنوبی افریقا کی کرکٹ ٹیم نے آسٹریلین فیلڈرز کی دوربین سے جاسوسی شروع کی ہوئی تھی، ٹیسٹ سیریز کے پہلے ٹیسٹ میچ سے بال ٹیمپرنگ کا شک ہوا۔
فاف ڈوپلیسی کے مطابق ڈربن ٹیسٹ میں آسٹریلین فاسٹ بولرز اچانک ریورس سوئنگ کرنے لگے تھے، مچل اسٹارک نے 9 وکٹیں لیں تو میں انہیں ریورس سوئنگ کا بڑا ماہر کہنے لگا، ہمارے بولرز کی بھی گیندیں سوئنگ ہوئیں لیکن ہم آسٹریلیا کے بولرز کے قریب بھی نہیں تھے جس پر ہمیں شک ہو گیا تھا کہ بال کے ساتھ کچھ کیا جا رہا ہے لہٰذا دوسرے ٹیسٹ میں ہم نے دوربین کا استعمال کیا۔
سابق جنوبی افریقی کپتان نے اپنی کتاب میں بتایا ہے کہ دوربین سے ہم بال کو مانیٹر کرنے لگے تاکہ آسٹریلین فیلڈرز پر نظر رکھی جا سکے، ہم نے نوٹ کیا کہ بال ڈیوڈ وارنر کے پاس بہت جا رہا ہے، اس کے بعد دوربین کا استعمال زیادہ کیا گیا، میرے خیال میں اسٹیو اسمتھ نے کچھ زیادہ غلط نہیں کیا، کیمرون بین کرافٹ کے ساتھ میری بہت ہمدردیاں ہیں، میں اور اسٹیو اسمتھ کبھی دوست نہیں رہے تاہم میں نے انہیں ہمدردی کا میسج بھی بھیجا۔
یاد رہے کہ بال ٹیمپرنگ اسکینڈل 2018 میں سامنے آیا تھا جس کے بعد اسٹیو اسمتھ ڈیوڈ وارنر اور بین کرافٹ کو پابندی کا سامنا کرنا پڑا تھا۔
مزید خبریں :
’چیتا‘ قرار دیدیا، بابراعظم بھی اوپنر صائم ایوب کے مداح ہوگئے
23 دسمبر ، 2024
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
