08 نومبر ، 2022 
آئرلینڈ ویمن کرکٹ ٹیم کی کپتان کی قذافی اسٹیڈیم میں خالی بوتلیں اٹھانے کی ویڈیو وائرل
08 نومبر ، 2022
آئر لینڈ ویمن کرکٹ ٹیم کی کپتان لاورا ڈیلینی کی لاہور کے قذافی اسٹیڈیم سے خالی بوتلیں اٹھانے کی ویڈیو وائرل ہوگئی۔
آئرش ویمن کرکٹ ٹیم ان دنوں پاکستان کے ساتھ ون ڈے اور ٹی ٹوئنٹی سیریز کھیلنے کے لیے لاہور میں موجود ہے، قومی ٹیم نے آئرلینڈ کو مسلسل 2 ایک روزہ میچز میں شکست دے کر 3 میچز پر مشتمل سیریز میں فیصلہ کن برتری حاصل کرلی ہے۔
پاکستان کے خلاف تیسرے ون ڈے سے قبل آئرش کپتان لاورا ڈیلینی ٹریننگ سیشن کے بعد گراؤنڈ سے پانی کی خالی بوتلیں اکٹھی کرتی رہیں۔انہیں دیکھ کر ساتھ کھلاڑی بھی ان کی مدد کے لیے آ گئیں۔
آئر لینڈ ویمن کرکٹ ٹیم نے منگل کو قذافی اسٹیڈیم میں تین گھنٹے کا ٹریننگ سیشن کیا، کھلاڑیوں نے ٹریننگ کے دوران پانی کی بوتلیں گراؤنڈ پر رکھ دی تھیں۔
لاورا ڈیلینی نے پانی کی خالی بوتلیں اکٹھی کر کے جنگلے کے ساتھ پڑے کوڑا دان میں ڈالیں۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
