03 دسمبر ، 2012 
پرتھ ٹیسٹ:آسٹریلیا کو شکست، جنوبی افریقانے سیریز جیت لی
03 دسمبر ، 2012
پرتھ…پرتھ ٹیسٹ میں جنوبی افریقا نے آسٹریلیاکو 309رنز سے شکست دے کر تین میچوں پر مشتمل سیریز ایک ۔صفر سے جیت لی۔ برسبین اور ایڈیلیڈ ٹیسٹ کا کوئی نتیجہ نہیں نکل سکا تھا۔آسٹریلیا نے پرتھ ٹیسٹ کے چوتھے روز بغیر کسی نقصان کے40 رنزپر اپنی دوسری نامکمل اننگز کا آغاز کیا، لیکن اسی اسکور پر وارنر 29 رنز بناکر پویلین واپس لوٹ گئے۔ واٹسن25 رنز بناکر مورکیل کا شکار بنے۔ اپنے کیریئر کا آخری ٹیسٹ کھیلنے والے رکی پونٹنگ اس اننگز میں بھی اچھی کارکردگی نہ دکھاسکے اور صرف 12 رنز بناکر آؤٹ ہوگئے۔کپتان کلارک بھی اپنی ٹیم کو اس مشکل سے نہ نکال سکے اور 44 رنز بناکراسٹمپ آؤٹ ہوگئے۔کووان نے سب سے زیادہ 53 رنز بنائے۔اسٹارک نے ناقابل شکست 68 رنز بنائے۔ یوں 632 رنز کے پہاڑ جیسے ہدف کے سامنے پوری مہمان ٹیم 322رنز پر ڈھیر ہوگئی۔ پیٹرسن اور اسٹین نے3،3 جبکہ مورکیل اور فلینڈر نے2 ،2وکٹیں حاصل کیں۔ آخری اسکور یہ رہا۔ جنوبی افریقا225 اور 569 رنز، آسٹریلیا 163 اور322رنز۔
مزید خبریں :
جیو نیوز پوڈکاسٹ: کون ہے ہمارا پہلا مہمان؟
28 نومبر ، 2024
ڈومیسٹک ٹی ٹوئنٹی میں گجرات کے بیٹر کی 28 گیندوں پر سنچری
27 نومبر ، 2024
