18 نومبر ، 2022 
پی سی بی کو ویمن کرکٹ ٹیم کے ہیڈ کوچ کی تلاش
18 نومبر ، 2022
لاہور: پاکستان کرکٹ بورڈ (پی سی بی) کو قومی ویمن کرکٹ ٹیم کے لیے ہیڈ کوچ کی تلاش ہے۔
پی سی بی نے ہیڈ کوچ ویمن کرکٹ ٹیم کے لیے اشتہار دے رکھا ہے اور بورڈ نے 20 نومبر تک ہیڈ کوچ ویمن کرکٹ ٹیم کیلئے درخواستیں طلب کی ہیں۔
پاکستان کرکٹ بورڈ آسٹریلیا کے دورے سے قبل ہیڈ کوچ کا تقرر کرنے کا خواہشمند ہے، پاکستان نے آسٹریلیا کے خلاف سیریز کے علاوہ آئندہ برس کے اوائل میں ٹی ٹوئنٹی ورلڈکپ میں بھی شرکت کرنا ہے جب کہ آئی سی سی ٹی ٹوئنٹی ورلڈکپ 10 فروری سے ساؤتھ افریقا میں شیڈولڈ ہے۔
ڈیوڈ ہیمپ کے عہدے کی مدت ختم ہونے کے بعد ہیڈکوچ کا باضابطہ تقرر نہیں کیا گیا ہے اور ابھی سابق فاسٹ بولر سلیم جعفر ذمہ داریاں نبھا رہے ہیں۔
واضح رہے کہ پاکستان ویمن ٹیم کو حال ہی میں آئر لینڈ نے ہوم ٹی ٹوئنٹی سیریز میں 1-2 سے شکست دی ہے۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
