فیفا ورلڈکپ 2022 : اسرائیل سے قطرکیلئے براہ راست پروازوں کا آغاز

فٹبال ورلڈکپ کے لیے اسرائیل سے قطر کے لیے براہ راست پروازوں کا  آغاز  ہوگیا۔

غیر ملکی خبر ایجنسی کے مطابق تل ابیب سے پہلی براہ راست پرواز  دوحہ میں لینڈ کرگئی۔

فیفا فٹبال ورلڈکپ ٹرافی کس سے بنی ہے اور اس کی قیمت کیا ہے؟

اگلے ایک ماہ تک 32 ممالک کے کھلاڑی دنیائے کھیل کے اس سب سے بڑے انعام کو حاصل کرنے کا خواب دیکھیں گے۔

خبر ایجنسی کے مطابق اسرائیل اور قطر معاہدے کے تحت فلسطینی شہری بھی تل ابیب سے دوحہ سفر کرسکتےہیں۔

خیال رہےکہ قطر اور اسرائیل کے درمیان سفارتی تعلقات نہیں ہیں، سیاسی طور پر ایران کے قریب سمجھا جانے والا قطر فلسطینی تنظیم حماس کی قیادت کا بھی میزبان ہے، فٹبال ورلڈکپ کے لیے دونوں ممالک نے خصوصی معاہدہ کیا ہے جس کا اعلان گذشتہ ہفتے فیفا نے کیا تھا۔

اسرائیلی حکومت کی جانب سے اسرائیلی قونصلر وفد بھی بھیجا گیا ہے اور شہریوں کو ہنگامی صورتحال میں مدد  کے لیے رابطہ کارڈ بھی جاری کیےگئے ہیں۔

خبر ایجنسی کا کہنا ہے کہ فیفا ورلڈکپ کے دوران تقریباً 10 ہزار اسرائیلی شہریوں کی قطر آمد متوقع ہے، جن میں سے زیادہ تر  شائقین کسی تیسرے ملک سے ہوتے ہوئے قطر آئیں گے۔

قطری حکومت نے واضح کیا ہےکہ فلسطین کے حوالے سے اس کے مؤقف میں کوئی تبدیلی نہیں  آئی ہے۔

دنیا قطرکی مہمان نوازی کا بہترین تجربہ کریگی، وزیراعظم کا فیفا ورلڈکپ کی میزبانی پر بیان

فٹبال ورلڈکپ کی میزبانی پر قطرکے امیر شیخ تمیم بن حماد الثانی کے لیے نیک خواہشات کا اظہار کرتا ہوں: شہباز شریف

قطر نے فٹبال ورلڈکپ کی تیاریوں کے لیے کتنے ارب ڈالرز خرچ کیے؟

قطر میں ہونے والا فٹبال ورلڈکپ ایسا ایونٹ ہے جس میں کافی کچھ پہلی بار ہوگا۔