26 نومبر ، 2022 
پاکستان
پاکستان تحریک انصاف کے سینیٹر کی جانب سے فوجی افسر کا نام لیکر دھمکی دی گئی کہ انہیں قیمت ادا کرنی پڑے گی۔ فوٹو فائل
اعظم سواتی کی آرمی چیف کیخلاف نازیبا زبان، پاک فوج کے افسران کا نام لیکر دھمکیاں دیں
26 نومبر ، 2022
پاکستان تحریک انصاف کے رہنما سینیٹر اعظم خان سواتی نے پاک فوج کے سربراہ اور اعلیٰ فوجی افسران کے خلاف سوشل میڈیا پر نازیبا زبان کا استعمال کیا۔
اعظم سواتی کی جانب سے آرمی چیف جنرل قمرجاوید باجوہ کیلیے نازیبا زبان کا استعمال کیا گیا اور میجر جنرل فیصل نصیر کے خلاف بھی نازیبا کلمات کہے گئے۔
پاکستان تحریک انصاف کے سینیٹر کی جانب سے فوجی افسر کا نام لیکر دھمکی دی گئی کہ میجر جنرل فیصل نصیر کو قیمت ادا کرنی پڑے گی۔
سینیٹر اعظم خان سواتی کا مزید کہنا تھا میں ہر فورم پر میجر جنرل فیصل نصیر کے خلاف جاؤں گا، میں میجر جنرل فیصل نصیر کے خلاف ہر قانونی، اخلاقی فورم کا استعمال کروں گا۔
