01 دسمبر ، 2022 
بڑے پیمانے پر عوامی احتجاج کے بعد چین کا صفر کووڈ پالیسی میں نرمی کا اشارہ
01 دسمبر ، 2022
چین میں بڑے پیمانے پر عوانئ احتجاج کے بعد حکام کی جانب سے صفر کووڈ پالیسی میں نرمی کا اشارہ دیا گیا ہے۔
غیر ملکی خبر ایجنسی کے مطابق چین کے نائب وزیراعظم کی جانب سے جاری بیان میں کہا گیا ہے کہ ملک میں کورونا کی اومی کرون قسم کمزور اور ویکسی نیشن کی شرح بہتر ہو رہی ہے، نئی صورتحال کے لیے نئے ٹاسک کی ضرورت ہے۔
نائب چینی وزیراعظم کا یہ بھی کہنا ہے کہ کورونا وائرس کی جانچ، علاج اور قرنطینہ کی پالیسیوں کو مزید بہتر بنایا جانا چاہیے۔
غیر ملکی خبر ایجنسی کے مطابق چین کی زیرو کووڈ پالیسی کے خلاف بیجنگ سمیت مختلف شہروں مظاہرے کیے گئے تھے، چین کے مختلف شہروں میں کورونا پابندیوں میں نرمی اور لاک ڈاؤن ختم بھی کیا گیا ہے۔
خبر ایجنسی کے مطابق چین میں گزشتہ روز 36 ہزار افراد میں کورونا وائرس کی تصدیق ہوئی تھی۔
مزید خبریں :
ایک اورکشمیری نژاد پاکستانی برطانیہ میں لارڈ بن گیا
3 گھنٹے پہلے
اسرائیل نے اسماعیل ہنیہ کو شہید کرنے کا اعتراف کرلیا
7 گھنٹے پہلے
